ਝੋਨੇ ਦੀ ਮਾੜੀ ਖਰੀਦ ਨੂੰ ਲੈ ਕੇ ਐਸ ਡੀ ਐਮ ਨਕੋਦਰ ਨੂੰ ਦਿੱਤਾ ਮੈਮੋਰੈਂਡਮ

ਅੱਜ ਨਕੋਦਰ ਐਸਡੀਐਮ ਦਫਤਰ ਵਿਖੇ ਸਾਬਕਾ ਵਿਧਾਇਕ ਬੀਬੀ ਰਾਜਵਿੰਦਰ ਕੌਰ ਭੁੱਲਰ ਅਤੇ ਹਲਕਾ ਨਕੋਦਰ ਦੇ ਸੀਨੀਅਰ ਅਕਾਲੀ ਆਗੂ ਐਡਵੋਕੇਟ ਰਾਜ ਕਮਲ ਸਿੰਘ ਦੀ ਅਗਵਾਈ ਹੇਠ ਐਸਡੀਐਮ ਨਕੋਦਰ ਨੂੰ ਮੈਮੋਰੈਂਡਮ ਦਿੱਤਾ ਗਿਆ ਜਿਸ ਵਿੱਚ ਆਮ ਆਦਮੀ ਪਾਰਟੀ ਸਰਕਾਰ ਅਤੇ ਕੇਂਦਰੀ ਬੀਜੇਪੀ ਸਰਕਾਰ ਦੀ ਮਿਲੀ ਡੂੰਘੀ ਸਾਜਿਸ਼ ਤਹਿਤ ਪੰਜਾਬ ਭਰ ਵਿੱਚ ਝੋਨੇ ਦੀ ਖਰੀਦ ਵਿੱਚ ਵੱਡਾ ਸੰਕਟ ਖੜਾ ਕੀਤਾ ਗਿਆ ਹੈ ਕਿਸਾਨ ਅੰਦੋਲਨ ਦਾ ਬਦਲਾ ਲੈਣ ਲਈ ਪੰਜਾਬ ਦੀ ਕਿਸਾਨੀ ਨੂੰ ਕੰਗਾਲੀ ਅਤੇ ਤਬਾਹੀ ਵੱਲ ਧੱਕਿਆ ਜਾ ਰਿਹਾ ਹੈ ਅੱਜ ਝੋਨੇ ਦੀ ਖਰੀਦ ਵਿੱਚ ਜਾਣ ਬੁਝ ਕੇ ਅਜਿਹੇ ਹਾਲਾਤਾਂ ਪੈਦਾ ਪੈਦਾ ਕਰ ਦਿੱਤੇ ਗਏ ਹਨ ਕਿ ਕਿਸਾਨ 18-20 ਦਿਨ ਤੋਂ ਮੰਡੀਆਂ ਵਿੱਚ ਰੁਲ ਰਿਹਾ ਹੈ ਪਰ ਉਸ ਦੀ ਮਿਹਨਤ ਨਾਲ ਪਾਲੀ ਫਸਲ ਨੂੰ ਖਰੀਦਿਆ ਨਹੀਂ ਜਾ ਰਿਹਾ। ਲੋਕ ਮਜਬੂਰ ਹੋ ਕੇ ਕਈ ਕਈ ਕਿਲੋ ਝੋਨੇ ਦੇ ਕੱਟ ਲਵਾ ਕੇ ਐਮਐਸਪੀ ਤੋਂ ਘੱਟ ਰੇਟ ਤੇ ਝੋਨਾ ਵੇਚਣ ਨੂੰ ਮਜਬੂਰ ਕੀਤੇ ਜਾ ਰਹੇ ਹਨ । ਹੁਣ ਜਦੋਂ ਕਣਕ ਦੀ ਬਜਾਈ ਸ਼ੁਰੂ ਹੋ ਗਈ ਹੈ ਤਾਂ ਕਿਸਾਨਾਂ ਨੂੰ ਡੀਏਪੀ ਦੀ ਵੱਡੀ ਘਾਟ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤੇ ਉਹ ਸਹਿਕਾਰੀ ਸਭਾਵਾਂ ਦੇ ਬਾਹਰ ਗੇੜੇ ਮਾਰ ਰਹੇ ਹਨ 5.5 ਲੱਖ ਮੈਟਰਿਕ ਟਨ ਡੀਏਪੀ ਦੀ ਲੋੜ ਦੇ ਮੁਤਾਬਿਕ ਸੂਬੇ ਨੂੰ 2.76 ਲੱਖ ਮੈਟਰਿਕ ਟਨ ਖਾਦ ਹੀ ਮਿਲੀ ਹੈ ਤੇ 58 ਫੀਸਦੀ ਡੀਏਪੀ ਦੀ ਘਾਟ ਹੈ ਆਪ ਸਰਕਾਰ ਕੇਂਦਰ ਤੋਂ ਬਣ ਦਾ ਹਿੱਸਾ ਲੈਣ ਲਈ ਨਕਾਮ ਰਹਿ ਕੇ ਕਿਸਾਨਾਂ ਨੂੰ ਬਰਬਾਦ ਕਰ ਰਹੀ ਕੇਂਦਰ ਸਰਕਾਰ ਨੂੰ ਵੀ ਪੰਜਾਬ ਦਾ ਹਿੱਸਾ ਘਟਾਉਣ ਅਤੇ ਕਟੌਤੀ ਕੀਤੇ ਹਿੱਸੇ ਵੀ ਸੂਬੇ ਨੂੰ ਨਾ ਦੇਣ ਲਈ ਸਵਾਲਾਂ ਦੇ ਜਵਾਬ ਦੇਣੇ ਪੈਣਗੇ ਇਸ ਮੌਕੇ ਸਾਬਕਾ ਚੇਅਰਮੈਨ ਮਾਰਕੀਟ ਕਮੇਟੀ ਪਰਵਿੰਦਰ ਸਿੰਘ ਸ਼ਾਮਪੁਰ, ਸੀਨੀਅਰ ਮੀਤ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਮੇਜਰ ਸਿੰਘ ਔਜਲਾ, ਸਰਕਲ ਪ੍ਰਧਾਨ ਹਰਬੰਸ ਸਿੰਘ ਦਰਦੀ, ਕੌਮੀ ਮੀਤ ਪ੍ਰਧਾਨ ਹਰ ਬਲਜੀਤ ਸਿੰਘ ਲੱਧੜ, ਵਾਈਸ ਚੇਅਰਮੈਨ ਕਮਲਜੀਤ ਸਿੰਘ ਪੁਆਦੜਾ,ਸਰਪੰਚ ਜਸਵਿੰਦਰ ਸਿੰਘ ਮੁਆਈ, ਨੰਬਰਦਾਰ ਬਲਜੀਤ ਸਿੰਘ ਬਹਾਦਰਪੁਰ, ਗੁਰਜੀਤ ਸਿੰਘ ਬਹਾਦਰਪੁਰ, ਰਣਜੀਤ ਸਿੰਘ ਸਾਗਰਪੁਰ, ਗੁਰਦੇਵ ਸਿੰਘ ਬਿਲਗਾ,ਗੁਰਪ੍ਰੀਤ ਸਿੰਘ ਭੰਡਾਲ ਬੂਟਾ, ਤੇ ਹੋਰ ਅਕਾਲੀ ਵਰਕਰ ਮੌਜੂਦ ਸਨ।