ਸ਼ਿਵਾ ਪਬਲਿਕ ਹਾਈ ਸਕੂਲ ਨੂਰਮਹਿਲ ਵੱਲੋਂ ਆਪਣੀ 33 ਵੀਂ ਵਰੇਗੰਢ ਦੇ ਮੌਕੇ ਤੇ “ਰਿਦਮ ਆਫ ਸਕਸੈਸ” ਸਾਲਾਨਾ ਸਮਾਰੋਹ ਮਨਾਇਆ ਗਿਆ। ਇਸ ਸਮਰੋਹ ਦਾ ਆਰੰਭ ਸਕੂਲ ਦੇ ਪ੍ਰਧਾਨ ਸ੍ਰੀਮਤੀ ਸੁਮਨ ਲਤਾ ਪਾਠਕ ਐਮ. ਡੀ ਅਮਨਦੀਪ ਪਾਠਕ ਅਤੇ ਡਾਕਟਰ ਪਰਵਿੰਦਰ ਕੌਰ (ਅਕੈਡਮਿਕ ਡਾਇਰੈਕਟਰ) ਨੇ ਸ਼ਮਾ ਰੋਸ਼ਨ ਕਰਕੇ ਕੀਤਾ।
ਇਸ ਮੌਕੇ ਤੇ ਮੁੱਖ ਮਹਿਮਾਨ ਵਜੋਂ ਪੁੱਜੇ ਕਾਂਗਰਸ ਦੇ ਹਲਕਾ ਨਕੋਦਰ ਤੋਂ ਇੰਚਾਰਜ ਡਾਕਟਰ ਨਵਜੋਤ ਸਿੰਘ ਦਾਹੀਆ ਉਹਨਾਂ ਨਾਲ ਨਗਰ ਕੌਂਸਲ ਨੂਰਮਹਿਲ ਦੇ ਪ੍ਰਧਾਨ ਹਰਦੀਪ ਕੌਰ ਜੌਹਲ, ਨੂਰਮਹਿਲ ਸਕੂਲਾਂ ਦੇ ਸਾਰੇ ਪ੍ਰਿੰਸੀਪਲ ਅਤੇ ਵਿਦਿਆਰਥੀਆਂ ਦੇ ਮਾਪੇ ਸ਼ਾਮਿਲ ਹੋਏ ।
ਪ੍ਰੋਗਰਾਮ ਵਿਚ ਸ਼ਾਮਲ ਬੱਚਿਆਂ ਨੇ ਇਸ ਮੌਕੇ ਤੇ ਬਹੁਤ ਉਤਸ਼ਾਹ ਨਾਲ ਹਿੱਸਾ ਲਿਆ ਛੋਟੇ ਬੱਚਿਆਂ ਦਾ ਭਾਰਤ ਦੀ ਸੰਸਕ੍ਰਿਤ ਨਾਲ ਸੰਬੰਧਿਤ ਰਾਜਸਥਾਨੀ ਡਾਂਸ, ਗਰਬਾ, ਗਣੇਸ਼ ਬੰਦਨਾ, ਭੰਗੜਾ, ਗਿੱਧਾ ਆਦਿ ਅਦਾਕਾਰੀਆਂ ਪੇਸ਼ ਕੀਤੀਆਂ ਗਈਆਂ। ਸਮਾਰੋਹ ਵਿੱਚ ਸ਼ਾਮਿਲ ਮਹਿਮਾਨਾਂ ਨੇ ਗਣੇਸ਼ ਬੰਦਨਾ ਗਰਲਜ਼ ਚਾਇਲਡ ਐਕਟ, ਗਿੱਧਾ, ਭੰਗੜਾ ਅਦਾਕਾਰੀਆ ਨੂੰ ਵਿਸ਼ੇਸ਼ ਸਨਮਾਨ ਦਿੱਤਾ।
