ਰੱਬਾ ਮੇਰੇ ਹਾਲ ਦਾ ਮਹਿਰਮ ਤੂੰ, ਸੂਫੀ ਕਲਾਮ ਦੇ ਗਾਇਕ ” ਬਰਕਤ ਸਿੱਧੂ ਜੀ” ਦੀ ਬਰਸੀ ਅੱਜ

ਸੁਰਿੰਦਰ ਸੇਠੀ ਦੀ ਕਲਮ ਤੋਂ

……..ਪੰਜਾਬੀ ਸੰਗੀਤ ਦੇ ਮਹਾਨ ਸੂਫੀ ਗਾਇਕ ਸਤਿਕਾਰਯੋਗ ਮਰਹੂਮ ਬਰਕਤ ਸਿੱਧੂ ਜੀ ਅੱਜ ਦੇ ਦਿਨ ਸੰਨ 2015 ਨੂੰ ਆਪਣੇ ਪ੍ਰੀਵਾਰ ਸਮੇਤ ਦੇਸ਼ ਵਿਦੇਸ਼ ਵਿੱਚ ਵਸਦੇ ਸਰੋਤਿਆ , ਦਰਸ਼ਕਾਂ, ਪ੍ਰਸ਼ੰਸਕਾਂ ਅਤੇ ਉਪਾਸ਼ੰਕਾਂ ਨੂੰ ਹਮੇਸ਼ਾ ਲਈ ਅਲਵਿਦਾ ਕਹਿ ਗਏ ਸਨ । ਇਸ ਸੁਰੀਲੇ , ਮਧੁਰ ਅਤੇ ਮਖਮੱਲੀ ਅਵਾਜ਼ ਦੇ ਮਾਲਿਕ ਨੇ ਵਿਸ਼ਵ ਪੱਧਰ ਤੇ ਮਕਬੂਲੀਅਤ ਹਾਸਲ ਕਰ ਲਈ ਸੀ । ਪੰਜਾਬੀ ਦੇ ਸਿਰਮੌਰ ਚੈਨਲ ਈ ਟੀ ਸੀ ਵਲੋ ਇਸ ਮਯਨਾਜ ਧਨੰਤਰ ਗਵਈਏ ਨੂੰ ਵਿਸ਼ੇਸ਼ ਸਨਮਾਨ ਨਾਲ ਸਤਿਕਾਰ ਸਹਿਤ ਨਿਵਾਜਿਆ ਹੈ । ਪੰਜਾਬ ਸਰਕਾਰ ਨੇ ਵੀ ਇਸ ਅੰਤਰ-ਰਾਸ਼ਟਰੀ ਪੱਧਰ ਦੇ ਮਹਿਬੂਬ ਸੂਫੀ ਗਾਇਕ ਨੂੰ ਕਈ ਵਾਰ ਵਿਸ਼ੇਸ਼ ਸਨਮਾਨਾਂ ਨਾਲ ਸਿਰ ਨਿਵਾ ਕੇ ਸਤਿਕਾਰ ਸਹਿਤ ਨਿਵਾਜਿਆਂ ਹੈ । ਜਦੋ ਇਹ ਕੈਂਸਰ ਵਰਗੀ ਭਿਆਨਕ ਬਿਮਾਰੀ ਨਾਲ ਜਕੜੇ ਗਏ ਸਨ । ਉਸ ਸਮੇ ਦੀ ਸਰਕਾਰ ਨੇ ਲੁਧਿਆਣੇ ਦੇ ਨਾਮਵਰ ਵੱਡੇ ਦਯਾਨੰਦ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਸੀ । ਇਸ ਹਰਮਨ ਪਿਆਰੇ ਸੂਫੀ ਗਾਇਕ ਦਾ ਸਾਰੇ ਇਲਾਜ ਦਾ ਖਰਚਾ ਸਰਕਾਰ ਵਲੋ ਕੀਤਾ ਗਿਆ ਸੀ । ਇਸ ਹਰਦਿਲ ਅਜੀਜ ਗਾਇਕ ਵਲੋ ਸੂਫੀ ਸੰਗੀਤ ਜਗਤ ਵਿੱਚ ਪਾਇਆ ਯੋਗਦਾਨ ਕਦੇ ਵੀ ਭੁਲਾਇਆ ਨਹੀ ਜਾ ਸਕਦਾ । ਇਸ ਸੂਫੀ ਸੰਗੀਤ ਦੇ ਮਹਾਂਰਥੀ ਨਾਲ ਮੈਨੂੰ ਵੀ ਕਈ ਵਾਰ ਮੰਚ ਸੰਚਾਲਨ ਕਰਨ ਦਾ ਸੁਭਾਗ ਪ੍ਰਾਪਤ ਹੋਇਆ ਹੈ । ਇਸ ਗੌਰਵਮਈ ਫੰਕਾਰ ਦਾ ਸੂਫੀ ਸੰਗੀਤ ਹਮੇਸ਼ਾ ਫਿਜਾਵਾ ਞਿਚੋ ਮਹਿਕਾ ਵੰਡਦਾ ਰਹੇਗਾ । ਇਹ ਹਰਮਨ ਪਿਆਰੇ ਫੰਨਕਾਰ ਨੇ ਪੰਜਾਬੀ ਸੂਫੀ ਸੰਗੀਤ ਦੇ ਬ੍ਰਹਿਮੰਡ ਵਿੱਚ ਧਰੂਵ ਤਾਰੇ ਵਾਂਗ ਅਮਿੱਟ ਹੋਂਦ ਸਥਾਪਿਤ ਕਰਕੇ ਬਹੁਤ ਵੱਡਾ ਅਨਮੋਲ ਗੌਰਵਮਈ ਯੋਗਦਾਨ ਪਾਇਆ ਹੈ । ਅੱਜ ਮੈ ਇਸ ਧਨੰਤਰ ਸੂਫੀ ਗਵਈਏ ਨੂੰ ਪ੍ਰਣਾਮ ਕਰਦਾ ਹੋਇਆ ਪ੍ਰਣਾਮ ਕਰਦਾ ਹਾਂ । ਮੈਂ ਸਿਰ ਝੁਕਾ ਕੇ ਸ਼ਰਧਾ ਨਾਲ ਸ਼ਰਧਾਂਜਲੀ ਭੇਟ ਕਰਦਾ ਹਾਂ । ਰੱਬ ਰਾਖਾ ।